~~~~~~~~~~
عـلى سـبورة الابـداع يـقول ابـن الجمل نكتب
قـوافـي تـلفت انـظار الـنشاما عـاشقين الـقاف
عـليهن طـابع احـساسي مـتوج بـالولا والـحب
وتـحويهن مـشاعر شـعر شـاعر فاهم الاسلاف
بـما ان الـجمل والـف في ابـكار الجزل يحزب
فــلازم مـايـكون الـنـص هـذا مـختصر شـفاف
تـيمم بـالورع خشية سقوطه في غياب الجب
ومـنوى الجهبذي يتمم شعائر هاجسه تطواف
بـدى مـن مـنبر الـحكمه بـلهجه قاسيه يخطب
ويـدعي مـن سـمع قوله يفسّر خطبة الـهدّاف
اذا شـفتو دمـوع اقـلام نـايف بـالاسى تـسكب
على بيض الورق تنعي غياب العدل والانصاف
فـهـذا الـمعتبر يـملك شـعور هـياج غـب الـغب
مـتى مـاقلّها دوري تـدور مـن حـوله الاطـراف
فــلا يـمـدي ولا يـبطي ولا يـسهب ولا يـقطب
اذا جـف الادب صـلّى صـلاة السرد والاوصاف
سـلام الله عـلى صاحب يخلي القاسيه ترطب
ويـحضر سـاعة الـشده يـسوي مـثلما الاسناف
قـبـيلي قـرنـه الـمـرجب يـقنف لانـوى يـصرب
سـرايا بـالخطر صـبت نـكايتها عـلى الاحـلاف
ورب الـعـرش مـاتغلى عـليه الـروح لـو يـطلب
مـعه بـدي مـعه راسـي ودمي في سبيله حاف
حـسافه من زمن خلى العسل طعمه بفمي قب
وخـلانـي اشـيـل احـمال مـاتقوي لـها الاكـتاف
ومـن نـهج الصحب ذي بات لايربط ولايعصب
لمسجون قال انا محتاج بهذه الساع للاسعاف
أســف يـاقبيله عـزي ونـوحي يـازمان اشـجب
عـلى مـن عـطفو شـرع الـقبل بالطارفه عطاف
ومـن حـطت فسالتهم على عش الاسد والدب
وخـلو الـثعل نـتّف ريـش صـقر الـحالمه نتّاف
ومــن حـاقـد يـقـيّد كــل وافــي لانـوى يـقرب
ويـتـحمل مــع مــن أهـمـلوه غـرّامة الـمخلاف
فـلو بـحر الـوفاء راكـد ولابـه فيه شعار stop
فـكيف بـايبحر الـمركب وقـبطانه بـلا مجداف
فمن صلى قفى محتال طبيعي لا رجع ينصب
ومــن كـبّـر مـع عـز الـمواطن يـربح الاضـعاف
نصحت التب وان التب جالس طول عمره تب
لايـسـمـع ولايـعـقـل حــمـار مـتـعـود الـوطّـاف
مـع ان الـحمار يـفهم تـقله اجـنب وهـو يجنب
ولا يــهـرب ولا يـغـلـب ولا يـتـعسفك عـسـاف
ولايـزنـط اذا احـتـجته ولا يـمـنن ولا يـحسب
مـشاويره ولو يدعس على جمر اللضى اللهاف
يـعـيـن الله مــولـى ثــور لايـسـمن ولا يـحـلب
ورأي الـثـور مـثـل الـثـور لاخـوّف ولامـختاف
*نــــايـــف يـــحــيــى عــــبـــدالله الــجــمــل*
11 يــــــــــــــــونــــــــــــــــيـــــــــــــــو 2021
ليست هناك تعليقات:
إرسال تعليق
ادرج تعليقك في مجلة شعراء العرب