يا مــأمــل فــي الـدنيـا وجـاهـــل لباريك
لا تـضــــيـع حـيـاتـك لـجـل دنـيــا دنيــه
مــابـهـا قـط راحـه تفـــرحـك او تـغثـيك
شــلـهـا لك صــراحه لجــل تســـــلم اذيه
دق باب الحـقـيـقـه يا مســري بطــاريـك
حــكـم الـعـقـل تلــقـى الف حـجـه قـويه
وسئل الـدهر عنك مـن مميتك ومحييك
وايش غــايت وجودك والهدف والقضيه
وسئل الكون كاله مــــن مضلك ومهديك
وحذر ابليس واصحـــاب النفوس الهويه
ون مــن الموت ناجي سوي اللي يسليك
ون ماشـــي تـــريـث قبــل تـلـقـى المنيه
لا تــدني لــدنيا تبتســم لك وتغــــــويك
لا تـفــكر معــاها بالحـــيـــــاه الـهــنـيــه
كــونها دار زايـل وانت زايـــل بـمـا فيك
ســيب بقـعى على الله واعتـني بالبـقيه
حـلـوها ان وجـدته بايضـــلك ويـلـهـيك
مُـــــرها ما يســيـبـك رطــــل ولا وقـيـه
احــذر احـــذر هـــواها لاتـذلك وتـرديك
ما ســـلمها مســـالم يــرتــجـيـهـا رجــيه
ســاير الوضــع فيـها والذي لك عايأتيك
شـــل منـهـا كـفـاتك فلحــقيـقـه جــلـيه
لا تخــلي حـــلاها عــن مســارك ينسيك
طـبـعـها يبن أدم ســــــاحره مـــلـتــويـه
شــــل زادك زوادك يامـفـكــر بتــاليـــك
والتُـقــى زاد لاصحاب النـفــوس التـقيه
والصـلاة الصـلاة ياتارك الفـرض يكفيك
مــن يضيع صــلاته ضاع وصبح ضحيه
ميـت القـلب خـامــل دون همه وتحريك
يا حسافه على اصحاب النفوس الشقيه
لا تســاوم بفــرضك دام والأمـــر يعنيك
شـــد بـاسـك وثـابر وارفــع الـمـعـنـويـه
الـرحـيـل الرحـيـل لابد من يـوم ينعيك
والنــدم داخــل البــرزخ يـزيـد الأســـيه
الشــاعر // ابـو عبـدالســـلام
💧💧 عـمـار اريـمـه💧💧
ليست هناك تعليقات:
إرسال تعليق
ادرج تعليقك في مجلة شعراء العرب