سمعني المعنى على معزوفة انغام الوتر
ماباقي الا انته وانا والليل واحساس الحروف
كم حدني بعدك على الاوهام بس الله ستر
امشي طريق الخوف من خوفي وازيد الخوف خوف
الله يسامح حلمي اللي في ثرا ارضك عثر
والله يسامح عيني اللي ما تبي غيرك تشوف
هايم عساني في دروب الهجر الاقي لك اثر
كني على الواقع فقدت الحلم في لحظة خسوف
اسأل عليك الصبح ونجوم الليالي والشجر
والحل والترحال واسباب ابتعادك والظروف
والناس والوسواس وجروح المحبه والحجر
والبر والآبار ودموع المفارق والطيوف
يمكن على غفلة حنين الشوق محبوبي عبر
مجبر اذا ناظر هنا مكتوب ممنوع الوقوف
الصمت كان اقرب اجابه والخبر نفس الخبر
من فرق الصفين مايجمع على الخير الكفوف
عذبتني واتعبت فكري في تفاسير البشر
اجمع شتات الصف ويبعثر عنا بعدك صفوف
صدقت فيني شر من جازا نوايا الخير شر
واشهر عليا السيف واثبت بيننا حد السيوف
ماعاد فيها كر دامك جيت لي طاب السمر
اليوم هذا مر والماضي غدا فوق الرفوف
غاب القمر او طل وش يعني اذا غاب القمر
بسهر انا والنجم والذكرى على نور الهنوف
ليست هناك تعليقات:
إرسال تعليق
ادرج تعليقك في مجلة شعراء العرب